“Рэкетир” юлдузи Мурат Бисенбин вафот этди
Қозоғистонлик таниқли актёр Мурат Бисенбин 54 ёшида вафот этди. Бу ҳақда унинг қизи хабар берди.
Таниқли актёр Мурат Бисенбиннинг қизи отасининг вафоти ҳақида Instagram’даги шахсий саҳифасида маълум қилди. «Чексиз севаман», — деб ёзиб қолдирган у.
Қайд этилишича, Мурат Бисенбин бир неча ҳафта олдин инсульт ўтказган, актёр Жан Байжанбаев Бисенбиннинг аҳволи ёмонлашганини айтган. У актёр жисмонан жуда заифлашгани сабабли унга зудлик билан иммунотерапия зарурлигини таъкидлаган.
2024 йилнинг кузида Мурат Бисенбинда саратон касаллиги аниқлангани маълум бўлган эди. “Рэкетир” юлдузи саратонни енгиб, яна кино оламига қайтиш нияти борлигини билдирган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter