Ўзбекистонга кофе импорти кескин камайди
2026 йил январ–феврал ойларида Ўзбекистонга 20 та хорижий давлатдан 136,2 тонна кофе импорт қилинди. Унинг умумий қиймати 1,6 млн АҚШ долларини ташкил этган, дея хабар берди Миллий статистика қўмитаси.
Қайд этилишича, бу кўрсаткич 2025 йилнинг мос даврига нисбатан 65,4 тоннага ёки 32,4 фоизга камайган. Шу тариқа, мамлакатга кофе етказиб бериш ҳажмида сезиларли пасайиш қайд этилган.
2026 йилнинг дастлабки икки ойида Ўзбекистонга энг кўп кофе етказиб берган давлат 46,3 тонна билан Италия бўлди.
Шунингдек, Эфиопия 26,7 тонна, Вьетнам 15 тонна, Германия 14,8 тонна ва Россия 14,2 тонна ҳажмда кофе экспорт қилган.
Қолган 19,2 тонна кофе эса бошқа давлатлар ҳиссасига тўғри келган. Бу эса импорт бозорида бир нечта асосий етказиб берувчилар устунлигини кўрсатади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter