Октябрда 27 мингдан ортиқ уй-жой олди-сотди битимлари тузилган
Жорий йил октябр ойи давомида уй-жой олди-сотди битимлари 12 фоизга ошиб, 27,1 мингтани ташкил этди.
Иқтисодий тадқиқотлар ва ислоҳотлар марказининг Ўзбекистон уй-жой бозори динамикаси бўйича янгиланган таҳлилида қайд этилишича, бу 2023 йил августидан буён қайд этилган энг юқори кўрсаткич.
Энг катта ойлик ўсиш Хоразм, Бухоро ва Тошкент вилоятларида кузатилиб, бу ҳудудларда уй-жой олди-сотди битимлари ўртача 26 фоизга кўпайган.
Октябрь ойида иккиламчи уй-жой бозоридаги нархлар динамикаси ҳам бироз тезлашди. Бир ой ичида 1 кв.м. учун ўртача нарх 2,4 фоизга ошди, сентябрда бу кўрсаткич 0,6 фоиз бўлган эди.
Октябрь ойида Тошкентда ўртача ижара нархлари ўтган ой даражасида қолиб, 1 кв.м учун 8,5 долларни ташкил этди. Шу билан бирга, ўтган йил октябрига нисбатан Тошкентда уй-жой ижара нархлари 1,6 фоизга ошди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter