Ўзбекистонликлар уй-жой қуришга 8 ойда 35 трлн сўмдан ошиқ пул сарфлади
Ўзбекистонда шахсий уй-жой қуришга сарфланадиган маблағлар миқдори ошиб бормоқда. 8 ойда 35,4 трлн сўмлик шахсий уй-жойлар қурилган.
Миллий статистика қўмитаси маълумотларига кўра, 2025 йилнинг январь-август ойларида Ўзбекистонда 35,4 трлн сўмлик якка тартибдаги уй-жой қуриш ишлари бажарилган.
Бу кўрсаткич 2024 йилнинг мос даври билан солиштирилганда 13,3 фоизга ошган.
Шунингдек, барча турдаги корхона ва ташкилотлар томонидан бажарилган қурилиш ишлари ҳажмида якка тартибдаги уй-жойларни қуриш бўйича бажарилган ишлар улуши 18,8% ни ташкил этди.
Аввалроқ Миллий статистика қўмитаси 2025 йилнинг январ–август ойларида Ўзбекистонда 19,7 трлн сўмлик ичимликлар ишлаб чиқарилгани ҳақида хабар берган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter