Қорақалпоғистонда тайинловлар:

• Шамуратов Атамурат Шамунович - Қорақалпоғистон Республикаси Вазирлар Кенгаши Раисининг молия - иқтисодиёт ва камбағалликни қисқартириш масалалари бўйича биринчи ўринбосари - иқтисодиёт ва молия вазири лавозимига тайинланди.

У тайинловга қадар Қорақалпоғистон Республикаси Жўқорғи Кенгеси Аппаратининг Инвестициялар, кичик бизнес ва тадбиркорликни қўллаб-қувватлаш сектори бошлиғи лавозимида фаолият юритган.

• Айтбаев Камилжан Курбанбаевич -Қорақалпоғистон Республикаси Вазирлар Кенгаши Раисининг қишлоқ ва сув хóжалиги масалалари бўйича ўринбосари-қишлоқ хўжалиги вазири лавозимига тайинланди.

К.Айтбаев тайинловга қадар Тахиатош тумани ҳокими лавозимида ишлаб келган.

• Халқ депутатлари Тахиатош туман Кенгашининг навбатдан ташқари 21-сессиясида туман ҳокими лавозимига Сдиков Исламбек Муратбаевич номзоди қўллаб-қувватланди.

У тайнловга қадар Қорақалпоғистон Республикаси Жўқорғи Кенгесининг Саноат қурилиш, транспорт ва ахборот технологиялари масалалари қўмитаси раиси лавозимида ишлаб келган.

Шунингдек, Қорақалпоғистон Республикаси Вазирлар Кенгаши Раисининг молия – иқтисодиёт ва камбағалликни қисқартириш масалалари бўйича биринчи ўринбосари – иқтисодиёт ва молия вазири Эрлепесов Нуруллан Умирзакович ҳамда Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари – қишлоқ хўжалиги вазири Тешаев Шуҳрат Жўрақуловичлар бошқа ишга ўтиши муносабати билан эгаллаб турган лавозимидан озод этилди.