Тармоқда АҚШ президенти Доналд Трампнинг шифохонага ётқизилгани бўйича хабарлар тарқалди. Бироқ, расмийлар буни рад этди. 

Оқ уй коммуникациялар бўйича директори Стивен Чунг шанба, 4 апрел куни Қўшма Штатлар президенти Доналд Трампнинг шифохонага ётқизилгани ҳақидаги ОАВ хабарларига жавоб берди. Америка етакчисининг вакили бу хабарни ўзининг ижтимоий тармоқлардаги саҳифасида жойлаштирди. 

«Ҳеч бир президент Америка халқи учун Президент Трампдан кўра кўпроқ меҳнат қилмаган. У бу Пасха дам олиш кунлари Оқ уй ва Овал кабинетда тинимсиз ишлади. Худо уни асрасин», деб ёзган Чунг. 

Оқ уй вакили Трампнинг шифохонага ётқизилиши бўйича хабарларни «фитна назарияси» деб атади. 

Оқ уй президент шанба куни куннинг қолган қисмида омма олдида кўринмаслигини эълон қилганидан кейин Трамп Уолтер Рид миллий ҳарбий тиббиёт марказида даволанаётгани ҳақидаги миш-мишлар пайдо бўлди. 

Бу кўпчиликни ҳайратда қолдирди, айниқса, Трамп одатда дам олиш кунлари голф ўйнаш учун Мар-а-Лагога бориб турган.