АҚШ Президенти Доналд Трамп маъмурияти айрим тоифадаги мигрантларни текшириш учун янги чораларни жорий этди.

CBS News ва Reuters хабарларига кўра, кучайтирилган текширувлар бошпана,«яшил» карта ва АҚШ фуқаролиги каби иммиграция имтиёзларини олиш учун ариза берувчиларга нисбатан қўлланилади. 

АҚШ фуқаролик ва иммиграция хизматлари (USCIS) ходимларига кенгайтирилган текширувдан ўтмаган ҳар қандай ишларни тасдиқлашдан тийилиш кўрсатмаси берилди. 

Кучайтирилган хавфсизлик текширувлари ФҚБнинг Президент Доналд Трампнинг феврал ойидаги фармони доирасида ариза берувчилар учун USCISга ўзининг жиноий келиб чиқиши маълумотлар базасига кўпроқ кириш ҳуқуқини бериш тўғрисидаги қарори билан боғлиқ. 

CBS Newsʼга берган баёнотида иммиграция вакили агентлик «федерал жиноий келиб чиқиши маълумотлар базаларига киришни кенгайтириш орқали ариза берувчиларни скрининг қилиш ва текширишни кучайтириш учун янги хавфсизлик текширувларини амалга оширганини» тасдиқлади.