Франциялик журналистга «Олтин қалам» топширилди
Парижда франциялик журналистга «Олтин қалам» мукофоти топширилди.
Франциялик журналист, «Georama» нашриёти асосчиси ва директори Дидье Лабуш «Олтин қалам» миллий мукофоти учун халкаро танловнинг бу йилги ғолибларидан бири бўлган эди.
Ўзбекистон Журналистлар уюшмаси делегациясининг Францияга сафари доирасида Ўзбекистон элчихонасида журналистга ушбу мукофот тантанали равишда топширилди.
Маросимда Ўзбекистон Журналистлар уюшмаси раиси Шуҳрат Орипов мамлакатимизда сўз эркинлиги ва очиқликни таъминлаш, журналистларни қўллаб-қувватлаш борасида амалга оширилаётган ислоҳотлар ҳақида сўз юритди.
Тадбир давомида Дидье Лабушга Ўзбекистон Журналистлар уюшмасининг фахрий аъзолик гувоҳномаси ҳам топширилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter