Миллий статистика қўмитаси маълумотларига кўра, 2026 йил 1 январ ҳолатида мамлакатда ҳар 1 минг нафар аёлга ўртача 1 минг 15 нафар эркак тўғри келган.

Қайд этилишича, гендер нисбати бўйича энг юқори кўрсаткич Наманган вилоятида кузатилган. У ерда ҳар 1 минг нафар аёл ҳисобига 1 минг 34 нафар эркак тўғри келмоқда.

Кейинги ўринларда Қашқадарё вилояти — 1 минг 29 нафар ва Андижон вилояти — 1 минг 27 нафар кўрсаткич билан қайд этилган.

Статистикага кўра, Навоий вилоятида ҳар 1 минг аёлга 1 минг 26 нафар, Сурхондарё вилоятида 1 минг 25 нафар эркак тўғри келади.

Жиззах ва Фарғона вилоятларида бу кўрсаткич 1 минг 19 нафардан бўлган. Самарқанд вилоятида эса ҳар 1 минг нафар аёл ҳисобига 1 минг 16 нафар эркак қайд этилган.

Қорақалпоғистон Республикасида 1 минг 10 нафар, Сирдарё вилоятида 1 минг 9 нафар, Тошкент вилоятида эса 1 минг 8 нафар эркак тўғри келиши маълум қилинган.

Ҳисоботда энг паст кўрсаткич Тошкент шаҳрида қайд этилган. Пойтахтда ҳар 1 минг нафар аёл ҳисобига 966 нафар эркак тўғри келмоқда.