Профилактика инспекторига нисбатан жиноят иши қўзғатилди.

Тошкент вилояти Чирчиқ шаҳар Ички ишлар бошқармаси профилактика инспектори қўлга олинди. У жорий йил феврал ойида 1990 й.т. И.Саидов етакчилигидаги жиноий гуруҳ томонидан 1994 й.т. фуқарога етказилган тан жароҳати бўйича ҳолатни «босди-босди қилиб бериш эвазига ундан олган 2700 АҚШ долларидан муқаддам 1000 долларини жабрланувчига берган.

Давлат хавфсизлик хизматининг Тошкент вилояти бўйича бошқармаси ходимлари томонидан ўтказилган тезкор тадбирда, профилактика инспектори жабрланувчига 300 АҚШ доллари берган вақтида ашёвий далиллар билан ушланди.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.

Шунингдек, профилактика инспекторининг мазкур ноқонуний ҳаракатига алоқадор бўлган ҳамкасбини ҳам жиноят ишига жалб қилиш чоралари кўрилмоқда.

Аввалроқ Жалақудуқ туманида фуқаронинг 3 000 АҚШ долларини қўлга киритган кадастр бўлими бошлиғи ушланганди.