Сунъий интеллектга 2050 йилгача 32 триллион доллар сарфланиши кутилмоқда
Сунъий интеллект ривожи дунёда улкан сармоя талаб қилмоқда. PwC ҳисоб-китобларига кўра, 2050 йилгача СИ инфратузилмасига 32 триллион долларга яқин маблағ сарфланиши мумкин. Маблағларнинг катта қисми сунъий интеллект ишлаши учун зарур бўлган дата-марказлар, серверлар ва махсус чипларга йўналтирилади.
Мутахассисларга кўра, сервер ва чипларни узоқ йиллар ишлатиб бўлмайди. Улар технология тез ривожланаётгани сабабли тахминан ҳар 4–6 йилда янгиланиши керак. Агар сунъий интеллектга талаб ҳозиргидан ҳам тезроқ ошса, умумий харажат 50 триллион долларгача етиши мумкин. Бу маблағлар электр энергиясига бўлган талабни ҳам кескин оширади. Чунки миллионлаб серверлар ишлаши учун улкан миқдорда электр энергияси зарур.
Шу тариқа, сунъий интеллект учун кураш энди фақат энг кучли дастурни яратиш билан чекланмайди. Кимда кўпроқ сервер, чип ва энергия бўлса, СИ пойгасида устунликка эришиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter