Наманган вилоятида тўқимачилик ва тикув-трикотаж соҳаси тадбиркорларига берилган имтиёзларнинг қўлланилиши юзасидан Бизнес-омбудсман девони томонидан ўрганиш ўтказилди.

Ўзбекистон Республикаси Президентининг 2023 йил 10 январдаги ПФ-2-сонли Фармонига мувофиқ, тўқимачилик ва тикув-трикотаж йўналишида фаолият юритувчи тадбиркорлар учун электр энергияси истеъмоли бўйича бир ойлик олдиндан тўлов талаби бекор қилинганлиги ва бу тартиб қўлланилиши Наманган вилояти мисолида таҳлил қилинганда 140 та корхонага нисбатан мазкур имтиёз қўлланилмасдан, улардан электр энергияси учун олдиндан тўлов ундириб келинганлигини кўрсатди.

Кўрилган чоралар натижасида 140 та тадбиркорлик субъектига нисбатан имтиёз қўлланилиши таъминланди. Олдиндан тўлов ундириш амалиёти тўлиқ тўхтатилди.

Шу билан бирга, тўқимачилик ва тикув-трикотаж йўналишида фаолият юритувчи тадбиркорлар субъектларига қонунчилик ҳужжатлари билан белгиланган имтиёзларни қўлламаган 5 нафар мансабдор шахс Маъмурий жавобгарлик тўғрисидаги Кодекснинг 241-6-моддасига асосан маъмурий жавобгарликка тортилди.