Тошкентнинг Шаҳрисабз кўчасида ҳам BRT йўлаги ташкил этилади
Тошкентдаги Шота Руставели кўчасидаги BRT йўлагини Миробод тумани Шаҳрисабз кўчаси бўйлаб давом эттириш ишлари бошланмоқда.
Шу муносабат билан 2026 йил 24 июл соат 01:00 дан 9 август соат 23:00 гача Шаҳрисабз кўчасининг Шаҳрисабз–Миробод–Шота Руставели айланма чорраҳасидан Амир Темур шоҳ кўчаси билан кесишмасигача бўлган қисмида йўлни BRT йўлаги талабларига мослаштириш бўйича қурилиш-таъмирлаш ишлари олиб борилади.
Ишлар давомида мазкур йўл қисми транспорт воситалари ҳаракати учун тўлиқ ёпилмайди. Қурилиш-таъмирлаш ишлари йўлнинг марказидаги 4 та ҳаракатланиш тасмасида амалга оширилади.
Шу вақт давомида ҳар икки йўналишда йўлнинг ўнг чеккасидаги иккита ҳаракатланиш тасмасида транспорт воситалари ҳаракати давом этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter