ЎФА "Насаф" клуби бош мураббийи Рўзиқул Бердиевнинг ОКМК ҳамда "Насаф" жамоалари ўйинидан кейин бўлиб ўтган матбуот анжуманидаги иштироки юзасидан суриштирув ўтказади.

2025 йил 26 октябр куни Рўзиқул Бердиевнинг билдирган фикрлари футбол жамоатчилиги орасида кенг муҳокамаларга сабаб бўлди.

Ўзбекистон футбол ассоциацияси мазкур ҳолат юзасидан ўрганиш ва суриштирувларни ўтказиши ҳамда унга ҳуқуқий баҳо беришини айтган. 

Бердиев "Нефтчи"нинг чемпион бўлиши хусусида кескин гапирганди.

"Нефтчи"ни кўп гапиришмоқда, лекин биз ҳам қараб турмаймиз. Биз анчадан буён мағлуб бўлмадик ва чемпионликка лойиқмиз. "Нефтчи"нинг қанчалик ҳаракат қилаётганини сизлар ОАВ вакиллари ҳам билиб турибсизлар. "Нефтчи" ушбу вазифани амалга оширса, ортдаги инсонлар қаҳрамон бўлади, шекилли. Менимча, гапимни тушундингиз. Агар "Нефтчи" чемпион бўлса, қаҳрамонларни майдондан излаш керак эмас. Улар майдон ортида бўлади. Бу менинг фикрим", деганди қаршиликлар бош мураббийи. 

Бош мураббий "майдон ортидаги қаҳрамонлар" деганда кимни назарда тутганини изоҳламаган.