Beeline Uzbekistan Tashkent International University of Education (TIUE) билан ҳамкорликда Beeline Academy дастурининг янги босқичини ишга туширмоқда. Ушбу дастур доирасида 500 нафар аниқ фанлар ўқитувчилари сунъий интеллектни (СИ) ўқув жараёнида амалий қўллаш ва киберхавфсизлик асосларини бепул ўрганади. Дастур 2026 йил 25 майда бошланади.

Лойиҳа мамлакатда STEM-таълимни ривожлантириш доирасида амалга оширилмоқда. Бу йил дастур иштирокчилари доираси кенгаймоқда: информатика ўқитувчилари билан бир қаторда мамлакатнинг барча ҳудудларидаги давлат ва хусусий мактаблар, лицейлар, коллежлар ва олий ўқув юртларининг математика ва физика ўқитувчилари ҳам ўқишга таклиф этилмоқда.

Тренинг тўрт ҳафта давомида жонли интерактив машғулотлар шаклида онлайн тарзда ўтказилади. Иштирокчилар ўзбек ва рус тиллари бўйича гуруҳларга бўлинади. Дастур янги мавзулар ва кенгайтирилган амалий блокни ўз ичига олади, шунингдек, Beeline Academy доирасида илгари таълим олганлар ҳам иштирок этишлари мумкин.

Дастур қуйидаги мавзуларни қамраб олади:

· СИ ёрдамида дарс, топшириқ ва тестлар тайёрлаш

· мураккаб мавзуларни рақамли воситалар ёрдамида тушунтириш

· код ва алгоритмлар билан ишлаш

· ўқувчилар хатоларини таҳлил қилиш

· таълим муҳитида киберхавфсизлик

«Бугунги кунда сунъий интеллект таълим бериш ва билим олиш услубимизни буткул ўзгартирмоқда – айнан ўқитувчилар эса бу ислоҳотларнинг марказида турибди. Бу йил биз Beeline Academy дастурини кенгайтирмоқдамиз: сафимизга аниқ фанлар ўқитувчилари қўшилмоқда, курс дастури эса янги йўналишлар билан бойитилди. Киберхавфсизлик блоки бу жараёнда алоҳида ўрин эгаллайди: рақамли саводхонлик ва тармоқдаги онгли хулқ-атвор замонавий таълимнинг ажралмас қисмига айланиб бормоқда. Рақамли муҳитда таҳдидларни аниқлаш ҳамда ўзини ва ўқувчиларини ҳимоя қила олиш кўникмаси яқин келажакда ҳар бир педагогнинг касбий компетенциясининг бир қисмига айланади», — деди Beeline Uzbekistan бош директори Евгений Настрадин.

«Tashkent International University of Education ўқитувчиларга замонавий технологияларни ўргатиш бўйича кенг кўламли лойиҳанинг бир қисми бўлганидан мамнун. Биз “Beeline Academy” билан ҳамкорликда сунъий интеллект соҳасидаги амалий кўникмаларни ўзлаштириш учун қулай онлайн муҳит яратмоқдамиз. Бу Ўзбекистонда рақамли таълимни ривожлантириш ва IT мутахассисларини тайёрлаш йўлидаги муҳим қадамдир”, – деб таъкидлади TIUE ректори Носир Хўжаев.

Дастурда иштирок этиш учун рўйхатдан ўтиш ҳамда аниқ фанлар – информатика, математика ёки физика ўқитилишини тасдиқловчи иш жойидан маълумотнома илова қилиш керак.

Дастурни муваффақиятли тамомлаган иштирокчилар малака оширганлик тўғрисидаги ҳужжатни қўлга киритадилар.

Курсларга рўйхатдан ўтиш махсус Телеграм-бот @Beeline_Tiue_AI_Bot орқали амалга оширилади.

Дастурда иштирок этиш бўйича саволлар юзасидан қуйидаги телефон рақамига мурожаат қилишингиз мумкин: +998 55 512 20 20

2023 йилда Beeline Academy ишга туширилган пайтда Beeline Uzbekistan IT таълимини ривожлантириш лойиҳасига 150 000 АҚШ доллари инвестиция киритди. 2023-2024 йилларда 50 нафар тингловчи – бошланғич ва профессионал даражадагилар – киберхавфсизлик курсларини тугатди.

2024 йилда 210 дан ортиқ информатика ўқитувчиси нейрон тармоқлар, сунъий интеллект, киберхавфсизлик, кибергигиена, Python, 3D-grafika ва Frontend-дастурлаш бўйича малака ошириш курсларини ўтади. 2025 йилда эса Beeline Academy ва TIUE дастури доирасида тахминан 1000 нафар ўқитувчи таълим жараёнида СИ технологияларини қўллаш курсларини муваффақиятли якунлади.

Beeline Uzbekistan ходимларни ривожлантириш ва корпоратив маданиятга қўшган ҳиссаси учун EMBRAS халқаро мукофоти ва Top Employer сертификатига сазовор бўлган.

Beeline Uzbekistan ҳақида

Beeline Uzbekistan («Unitel» МЧЖ) 2006 йил 12 сентябрдан бошлаб ушбу савдо белгиси остида рақамли оператор сифатида фаолият юритиб келмоқда. Компания мамлакатдаги йирик солиқ тўловчилардан бири бўлиб, Ўзбекистондаги фаолияти давомида тахминан 2,1 миллиард АҚШ доллари миқдорида солиқ тўлаган. 2 000 дан ортиқ ходимга эга Beeline Uzbekistan Top Employer 2024, 2025 ва 2026 сертификатига сазовор бўлган.

Beeline Uzbekistan VEON Group таркибига киради. VEON 2006 йилдан буён Ўзбекистон телекоммуникация соҳасига 1,6 млрд АҚШ долларидан ортиқ сармоя киритган.

VEON — бу 150 миллиондан ортиқ алоқа ва 229 миллион рақамли фойдаланувчига алоқа ва рақамли хизматлар кўрсатувчи рақамли оператор. Дунё аҳолисининг 6 % дан ортиғи яшайдиган бешта мамлакатда фаолият юритиб, VEON инсонларнинг имкониятларини кенгайтириш ва иқтисодий ўсишни рағбатлантириш учун технологияларга асосланган хизматлар орқали ҳаётни ўзгартирмоқда. VEON акциялари NASDAQ биржасида сотилади. Батафсил маълумот: www.veon.com.

Sayt: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
X: @beeline_uz
LinkedIn: @beeline-uzbekistan