Joriy yilning 7-9 noyabr kunlari Toshkentda, 12 noyabr kuni esa Termizda X Yevropa kinofestivali bo‘lib o‘tadi. O‘ninchi bor o‘tkazilayotgan tadbir Yevropa va O‘zbekiston o‘rtasidagi madaniy aloqalarni yanada mustahkamlash, xalqlarni kino tili orqali birlashtirishga qaratilgan.

Festival dasturidan Yevropa davlatlari kinoijodkorlari suratga olgan lirik kartinalardan tortib o‘zlikni anglashga undovchi dramalarga qadar – turli janrdagi 12 ta film o‘rin olgan.

Shuningdek, ispan raqs san’ati ixlosmandlari uchun “Aire Nuevo Danza” (Ispaniya) guruhi tomonidan klassik va zamonaviy raqslardan iborat yorqin chiqishlar taqdim etiladi. Bundan tashqari, Fransiya alyansi, Gyote instituti va O‘zbekiston Kino ixlosmandlari uyushmasi hamkorligida “Avlodlar” mavzusida havaskor qisqa metrajli filmlar namoyishlari o‘tkaziladi.

Festival Yevropa Ittifoqining O‘zbekistondagi delegatsiyasi tomonidan, mamlakatimizda akkreditatsiyadan o‘tgan YeIga a’zo davlatlar elchixonalari bilan hamkorlikda, O‘zbekiston Respublikasi Madaniyat vazirligi huzuridagi Kinematografiya agentligi ko‘magida tashkil etilmoqda.

Barcha namoyishlar bepul. Filmlar original tilda, o‘zbek yoki rus tilidagi subtitrlar bilan taqdim etiladi.

Yevropa kinosi muxlislari quyida festival dasturi bilan tanishishlari mumkin.

Toshkentdagi namoyishlar

Alisher Navoiy nomidagi Milliy kino san’ati saroyi

7 noyabr

11:00 – “Jonja” / “Yonya” (Germaniya)

14:00 – “Amadeo” (Portugaliya)

18:00 – “Roza of Smyrna” / “Smirnalik Roza” (Gretsiya)

8 noyabr

11:00 – “Four Souls of Coyote” / “Chiyabo‘rining to‘rt ruhi” (Vengriya)

14:00 – “Chasing Unicorns” / “Orzular izidan” (Estoniya)

18:00 – “Divertimento” (Fransiya)

9 noyabr

11:00 – “My Last Year as a Loser” / “So‘nggi yil” (Sloveniya)

14:00 – “And the King Said, What a Fantastic Machine” / “Shoh va mo‘’jizakor mashina” (Shvetsiya)

18:00 – “Carmen” / “Karmen” (Malta)

Termizdagi namoyishlar

Termiz kinoteatri

12 noyabr

11:00 – “Dekadentas №2419” / “Dekadent №2419” (Litva)

14:00 – “Gipsy Queen” / “Ringdagi qirolicha” (Avstriya)

18:00 – “Divertimento” (Fransiya)