Xitoylik astronavtlar fazoviy stansiyada qolib ketishdi. Hamkasblari bilan o‘rin almashishga borgan fazogirlar, nosozlik tufayli, ularga o‘zlari qaytadigan kemani berishga majbur bo‘lishdi, deb yozmoqda Weibo.

«Tyangun» fazoviy stansiyasida ushlanib qolganlar — «Shenchjou-21» ekipajining uch fazogiri: Chjan Lu, U Fey va Chjan Xunchjan, ular 31-oktyabrdan buyon stansiyada. Ular amaldagi «Shenchjou-20» ekipaji bilan o‘rin almashishlari kerak edi.

Rejaga ko‘ra, astronavtlarning birinchi guruhi Yerga 5-noyabrda qaytishi kerak edi, ammo «Shenchjou-20» parvozi so‘nggi daqiqalarda to‘xtadi.

Fazoviy chiqindi kelib urilishi oqibatida ularning kemasida darz paydo bo‘ldi. Shundan so‘ng «Shenchjou-20» ekipaji «Shenchjou-21» uchun mo‘ljallangan kapsulada 14-noyabrda Yerga qaytdi.

Endi «Shenchjou-21» ekipaji Yerga mustaqil qayta olmaydi. Xitoy shu sababli 2026-yil bahorida uchirilishi mo‘ljallangan «Shenchjou-22» kapsulasiga ertaroq, xususan, shu yil noyabri oxirlarida start bermoqchi.

Agarda stansiyada yana bir favqulodda hodisa yuz bersa, xitoylik fazogirlar Yerga umuman qayta olmasliklari mumkin. Ularda birgina imkoniyat bor.