«O‘zgidromet»ga ko‘ra, yaqin kunlarda O‘zbekiston hududida asta-sekin havo harorati ko‘tarilishi davom etadi. Hafta o‘rtasidan harorat kechki vaqtlarda +4…+7, kunduzi +17…+20 darajagacha ko‘tariladi. Respublikaning aksariyat qismida quruq havo saqlanib turadi.

Dushanba va yaqin kunlarda O‘zbekiston hududida asta-sekin havo harorati ko‘tarilishi davom etadi, deb xabar bermoqda «O‘zgidromet».

Harorat 10–11 noyabr kunlari kechasi va ertalab 0…+3 daraja, kunduzi +13…+16 daraja bo‘ladi.

Hafta o‘rtasidan boshlab havo harorati kechki va tonggi vaqtlarda +4…+7 atrofida bo‘ladi, kunduzi esa +17…+20 darajagacha ko‘tariladi.

Respublika hududining aksariyat qismida quruq havo saqlanib turadi. Faqat 10–11 noyabr kunlarida Toshkent viloyatining tog‘li hududlarining ba’zi joylarida yog‘ingarchilik (qor, yomg‘ir) yog‘ishi mumkin.

Toshkent shahrida yog‘ingarchilik kutilmaydi. Havo harorati 10−11 noyabrda kechasi +2…+4 daraja, kunduzi +13…+16 daraja, 12–14 noyabr kunlari kechasi +4…+7 daraja, kunduzi +17…+20 daraja iliq bo‘ladi.

Shamol sharqdan 3–8 metr/soniya tezlikda esadi.