Jamoatchilik fikrini o‘rganishga ixtisoslashgan «O‘zbekistonda jamoatchilik fikri» internet portali Telegram foydalanuvchilari orasida ochiq so‘rovnoma o‘tkazdi. So‘rovnoma mavzusi O‘zbekistondagi eng kutilayotgan qurilish loyihasini aniqlash bo‘ldi.

So‘rovnomada 100 mingdan ortiq kishi ishtirok etdi. Bu esa uni mamlakatdagi ko‘chmas mulk sohasidagi eng yirik jamoaviy tadqiqotlardan biriga aylantirdi. Turli quruvchilar tomonidan amalga oshirilayotgan o‘nta ob’yekt orasidan tanlagan holda, so‘rovnomaning har beshinchi ishtirokchisi aynan Chorsu by MANAR loyihasiga ovoz berdi – bu 20 mingdan ortiq kishini tashkil etadi. Shunday qilib, MANARning asosiy loyihasini haqli ravishda poytaxtdagi qurilish tashabbuslari orasida yetakchi deb atash mumkin.

So‘rovnoma natijalarini sharhlagan «O‘zbekistonda jamoatchilik fikri» platformasi asoschisi Timur Bakiyev quyidagilarni ta’kidladi:

«Auditoriyaning bunday darajadagi ishtiroki shuni ko‘rsatadiki, odamlar shahar qurilishi haqida o‘z fikrlarini tobora faolroq shakllantirayotganlar. Bu arxitektura, joylashuv va merosga bo‘lgan qiziqish qanday qilib haqiqiy jamoatchilik e’tiborini jalb etishiga misol bo‘la oladi. Ayniqsa, Toshkentning tarixiy markazidagi loyihaning poytaxt ob’yektlari orasida yetakchiga aylanishi e’tiborga molik. Chorsu by MANAR loyihasi 23 sentyabr kuni - onlayn so‘rov boshlanishidan atigi ikki kun oldin taqdim etilganini hisobga olsak, natija yanada taassurotli bo‘ladi».

Chorsu by MANAR xuddi shu nomdagi bozor yaqinida, Eski shaharning qoq markazida joylashgan. Majmua g‘oyasi tarixiy muhitga moslashtirilgan zamonaviy arxitektura, yuqori zichlik va madaniy vorisiylikni o‘zida mujassam etadi. Loyihaning asosiy yo‘nalishlari orasida mavjud transport va piyodalar infratuzilmasi bilan uyg‘unlashtirilgan ochiq jamoat makonlari, biznes, savdo va gastronomiya klasterlari mavjud.

Shunday qilib, Chorsu by MANAR zamonaviy arxitektura tarix bilan uyg‘un bo‘lishi mumkinligini ko‘rsatmoqda va loyihaning dolzarbligi nafaqat mutaxassislar tomonidan, balki shaharliklarning haqiqiy qo‘llab-quvvatlashi bilan ham tasdiqlanmoqda.