Аҳмад аш-Шараа АҚШга расмий ташриф билан борган илк Сурия раҳбари бўлди
SANA агентлигининг хабар беришича, Суриянинг вақтинчалик президенти Аҳмад аш-Шараа Вашингтонга етиб борди. У эртага АҚШ президенти Доналд Трамп билан музокаралар ўтказиш учун Оқ уйга келиши режалаштирилган.
Аш-Шараанинг ташрифи Сурия президентларининг 1946 йилда мамлакат мустақилликка эришганидан бери АҚШ пойтахтига биринчи марта ташриф буюришидир.
7 ноябрь куни АҚШ унга қарши санкцияларни бекор қилди. Бир кун олдин БМТ Хавфсизлик Кенгаши Сурия президентига қўйилган чекловларни бекор қилди. Европа Иттифоқи ҳам шунга ўхшаш йўл тутишни режалаштирмоқда.
Сурия президентининг Трамп билан музокаралари Суриянинг урушдан кейинги тикланиши ва Дамашққа қарши АҚШ санкцияларини бекор қилишга қаратилади, деди Сурия ташқи ишлар вазири Асад ал-Шибани. Бунгача, октябр ойида аш-Шараа Россия президенти Владимир Путин билан музокаралар ўтказган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter