Қозоғистонда янги таҳрирдаги Конституция қабул қилинди
Қозоғистон президенти Қосим-Жўмарт Тўқаев мамлакатнинг янги Конституциясини имзолади. Шунингдек, у янги Асосий қонунни амалга ошириш бўйича алоҳида фармонни ҳам тасдиқлади.
Янги Конституция 2026 йил 15 март куни ўтказилган референдум натижалари асосида қабул қилинган. Овоз беришда қатнашганларнинг 86,7 фоизи янги таҳрирни қўллаб-қувватлаган, сайловчилар фаоллиги эса 75,3 фоизни ташкил этган.
Энди 15 март Қозоғистонда ҳар йили Конституция куни сифатида нишонланади.
Президент Тўқаевнинг таъкидлашича, Асосий қонунни янгилаш ғояси икки йил аввал пайдо бўлган ва кенг жамоатчилик муҳокамасидан сўнг ишлаб чиқилган.
Мамлакатда янги Конституция 2026 йил 1 июлдан кучга киради.
Эслатиб ўтамиз, аввалроқ Ўзбекистон Президенти Қосим-Жўмарт Тўқаевни янги таҳрирдаги Конституция лойиҳаси бўйича референдум муваффақиятли ўтказилгани билан самимий табриклаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter