Ўзбекистонга 3 ойда 156 трлн сўмлик инвестициялар жалб қилинди
2026 йилнинг январ-март ойларида Ўзбекистонда асосий капиталга инвестициялар ҳажми 156,3 трлн сўмни ташкил этди. Бу ҳақда Миллий статистика қўмитаси маълум қилди.
Маълумотларга кўра, мазкур кўрсаткич 2025 йилнинг шу даврига нисбатан 29,6 фоизга ошган. Инвестицияларнинг ўсиши иқтисодиёт ва ижтимоий соҳаларни ривожлантиришга қаратилган фаоллик ортиб бораётганини кўрсатади.
Инвестициялар таркибида энг катта улуш хорижий инвестициялар ва кафолатланмаган хорижий кредитларга тўғри келди — 107,6 трлн сўм.
Шунингдек, корхоналарнинг ўз маблағлари ҳиссаси 20,5 трлн сўмни ташкил этган. Ўзбекистон Республикаси кафолати остидаги хорижий кредитлар эса 10,8 трлн сўмга тенг бўлган.
Аҳоли маблағлари 8,7 трлн сўмни, тижорат банклари кредитлари ва бошқа қарз маблағлари 4,2 трлн сўмни ташкил этган. Республика бюджети ҳисобидан 3,9 трлн сўм, Тикланиш ва тараққиёт жамғармаси ҳисобидан эса 566,3 млрд сўм инвестиция киритилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter