Солиқдан қарздор аҳолига электр учун тўлов қилиш имконияти чеклаб қўйилади – эксперимент
ПҚ-364-сон қарор билан Наманган вилоятида эксперимент тариқасида жисмоний шахслардан олинадиган мол-мулк ва ер солиғи бўйича умумий суммаси 1 млн сўмдан ошган солиқ қарздорлигини ундиришда электр энергиясининг биллинг тизими механизмидан фойдаланиш жорий этилади.
Жорий йил 16 апрелдан кучга кирадиган мазкур тартиб, солиқдан қарзи 1 млн сўмдан ошган аҳолига электр учун тўловларни амалга оширишга вақтинчалик чекловни назарда тутади.
Ўз навбатида, чеклов аҳолининг ижтимоий ҳимояга муҳтож қуйидаги тоифаларига қўлланилмайди:
- ногиронлиги бўлган шахслар (1 ва 2-гуруҳ);
- боқувчисини йўқотган оилалар;
- ижтимоий ҳимоя реестрига киритилган фуқаролар;
- қонунчиликда белгиланган бошқа имтиёзли тоифалар.
Маълумот учун, Наманган вилоятида бугунги кунда 1 млн сўмдан юқори қарздорлиги мавжуд жисмоний шахслар сони 45,8 минг нафарни ташкил этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter