АҚШ Киевга Донбассдан воз кечиши бўйича босим қиляпти – Зеленский
АҚШ Киевдан Донбассдан қўшинларни олиб чиқишни талаб қилмоқда. Бу ҳақда Зеленский Reuters’га берган интервьюсида маълум қилди.
Унинг айтишича, Вашингтон хавфсизлик кафолатларини айнан шу шарт бажарилса, тўлиқ келишишга тайёр.
Зеленский бу талабга эҳтиёткорона муносабат билдириб, бундай қадам Украина ва ҳатто Европа хавфсизлигига ҳам таҳдид солиши мумкинлигини таъкидлаган. Унинг фикрича, мамлакатнинг шарқий ҳудудлари – миллий хавфсизлик тизимининг ажралмас қисми ҳисобланади.
Маълумотларга кўра, бу масала АҚШ ва Украина делегациялари ўртасида Майамида бўлиб ўтган учрашувда ҳам кўтарилган. Илгари ҳам Донбассдан қўшин чиқариш Россиянинг асосий шартларидан бири сифатида тилга олинган эди.
Бу ҳолат Вашингтоннинг Украинага нисбатан позициясида муайян ўзгаришлар бўлиши мумкинлигини кўрсатмоқда. Яъни, АҚШ бир вақтнинг ўзида ҳам ҳарбий ёрдам, ҳам дипломатик босим орқали можарони якунлашга ҳаракат қилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter