БМТ маълумотига кўра, Сурияда режим ўзгарганидан бери қарийб 100 киши бедарак йўқолган. 

БМТ Инсон ҳуқуқлари бўйича Олий комиссари идораси жорий йил бошидан бери Сурияда 97 киши бедарак йўқолгани ёки ўғирлаб кетилгани ҳақида хабар берди. 

"Аввалги Сурия ҳукумати ағдарилганидан бери ўн бир ой ўтди, аммо биз ўнлаб одамларни ўғирлаш ва мажбуран йўқолиб қолиш ҳолатлари ҳақида хавотирли хабарларни олишда давом этмоқдамиз", - дея иқтибос келтирмоқда Reuters агентлиги БМТ Инсон ҳуқуқлари бўйича Олий комиссар идораси вакили Тамин ал-Китаннинг сўзларига асосланиб. 

2000 йилдан 2024 йил охиригача, (мамлакатни собиқ президент Башар Асад бошқарган пайтда) Сурияда 100 мингдан ортиқ одам бедарак йўқолган. Бедарак йўқолганларнинг аниқ сонини аниқлаш қийин, уларни қидириш ҳам қийин: маҳаллий аҳоли БМТ вакиллари билан ҳамкорлик қилишдан эҳтиёт бўлишади, деб таъкидлайди Reuters. 

Асад режими ағдарилгандан сўнг, Суриянинг вақтинчалик раҳбарлигини Аҳмад аш-Шараа эгаллади. Октябр ойида у Москвага ташриф буюрди ва у ерда Владимир Путин билан учрашди. Сурия етакчиси 10 ноябр куни  Вашингтонда АҚШ президенти Доналд Трамп билан учрашиши режалаштирилган.