Ўзбекистонда IV Осиё ёшлар ўйинлари ўтказилади
Баҳрайнда ўтказилган Осиё Олимпия Кенгашининг 101-Ижроия қўмитаси йиғилишида Тошкент 2029 йилги IV Осиё ёшлар ўйинларига мезбонлик қилиши ҳақида қарор қабул қилинди.
Бу ҳақда III Осиё ёшлар ўйинларининг тантанали ёпилиш маросимида расман эълон қилинган.
Шу тариқа, Ўзбекистон яна 4 йилдан кейин қитъанинг энг кучли ёш спортчиларини ўзида жамлайди.
Маълумот учун, Ўзбекистон делегацияси Баҳрайнда якунига етган III Осиё ёшлар ўйинларини 37 та олтин, 16 та кумуш ва 28 та бронза, жами 81 та медаль билан тугатди ва умумжамоа ҳисобида Хитойдан кейин иккинчи ўринни эгаллашди.
Таққослаш учун, делегациямиз I Осиё ёшлар ўйинларида 3 та бронза, II Ўйинларда эса 1 та олтин, 2 та кумуш ва 3 та бронза медалларини қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter