Эрон олий раҳбари Али Хоманаий мамлакат бўйлаб кенг тарқалган норозилик намойишлари фонида фуқароларни бирлашишга чақирди, деб хабар беради Anadolu.

Оятуллонинг сўзларига кўра, намойишчилар узоқни кўра олмайдиган одамлар бўлиб, АҚШ президенти Доналд Трампга ишонишади ва уни рози қилиш учун ҳаракат қилишади. «АҚШ президентининг қўллари мингдан ортиқ эронликларнинг қони билан бўялган. Ва энди у ўзини Эрон халқини қўллаб-қувватлаётганини даъво қилмоқда», деди Хоманаий.

Олий лидер шунингдек, Трампнинг Ислом Республикасига нисбатан сиёсатини танқид қилди ва ўтмишдаги ағдарилган «золимлар ва такаббурлар», жумладан, охирги Эрон шоҳи Муҳаммад Ризо Паҳлавийнинг тақдирини башорат қилди.

9 январ куни АҚШ президенти агар мамлакатнинг иқтисодий вазиятдан норози бўлган намойишчилари ўлдирилса, Эронга «жуда кучли зарба» беришини эълон қилди.

28 декабр куни Эронда маҳаллий валютанинг қадрсизланиши фонида норозилик намойишлари бошланди. Уларга қарши полиция томонидан кўздан ёш оқизувчи газ ва пневматик қуроллардан фойдаланиш каби кучайтирилган хавфсизлик чоралари кўрилди.