Ёшлар ўртасидаги III Осиё ўйинлари: икки ўзбекистонлик шоҳсупада
Айни кунларда Баҳрайннинг Манама шаҳрида ёшлар ўртасидаги III Осиё ўйинлари бўлиб ўтмоқда. Мазкур беллашувниннг илк кунларида кураш бўйича икки нафар ўзбекистонлик спортчи – Отабек Йўлдошбоев ва Дурдона Турсуновалар ўз вазн тоифаларида олтин медални қўлга киритди.
Дурдона финалда Қирғизистон, Отабек эса Эрон вакилини ишончли ҳисобларда мағлубиятга учратди.
Илк кунги беллашувлар якунида Ўзбекистон делегацияси 2 та олтин медаль билан умумжамоа ҳисобида биринчи ўринга чиқиб олди. Эронлик спортчилар биттадан кумуш ва бронза медалига эга бўлган ҳолда иккинчи, Қирғизистон эса ягона кумуш медалини қўлга киритиб, кучли учликдан жой олди.
Бугун Ўзбекистон атлетлари волейбол, гандбол, кураш ва пенчак силат спорт турлари бўйича баҳсларга киришади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter