Oliy sud Rayosati «Fuqarolik ishlari bo‘yicha sudlarda mehnat nizolarini ko‘rishga ixtisoslashgan sudyalar korpusini shakllantirish haqida»gi qarorni qabul qildi.

Qarorga muvofiq fuqarolik ishlari bo‘yicha sudlarning mavjud shtat birliklari doirasida 2026-yil 1-avgustdan boshlab mehnat nizolarini ko‘rishga ixtisoslashgan sudyalar faoliyati yo‘lga qo‘yiladi.

Endilikda Oliy sudning Fuqarolik ishlari bo‘yicha sudlov hay’atida – 4 nafar;

Qoraqalpog‘iston Respublikasi sudi, viloyatlar va Toshkent shahar sudlari fuqarolik ishlari bo‘yicha sudlov hay’atlarida – 3 nafardan;

Fuqarolik ishlari bo‘yicha:

Nukus tumanlararo sudida 2 nafar;

Buxoro tumanlararo sudida 2 nafar;

Jizzax tumanlararo sudida 2 nafar;

Qarshi tumanlararo sudida 2 nafar;

Karmana tumanlararo sudida 2 nafar;

Namangan tumanlararo sudida 2 nafar;

Samarqand shahar sudida 2 nafar va Kattaqo‘rg‘on tumanlararo sudida 1 nafar;

Termiz tumanlararo sudida 2 nafar;

Ohangaron tumanlararo sudida 2 nafar, O‘rtachirchiq va Yangiyo‘l tumanlararo sudlarida 1 nafardan;

Mirzo Ulug‘bek, Mirobod, Shayxontohur, Uchtepa, Yakkasaroy tumanlararo sudlarida 2 nafardan;

Farg‘ona tumanlararo sudida 2 nafar;

Urganch tumanlararo sudida 2 nafar sudya faoliyat yuritadi.

Sudlarga 2026-yil 1-avgustdan keyin kelib tushgan mehnat nizolari bilan bog‘liq arizalar ixtisoslashgan sudyalar o‘rtasida taqsimlanadi.

2026-yil 31-iyulgacha kelib tushgan, shu jumladan, ish yurituviga qabul qilingan ishlar 2026-yil 1-avgustga qadar amalda bo‘lgan tartibda ko‘rib yakunlanadi.