O‘zbekistonda kompyuter dasturlashtirish xizmatlari 18 trln so‘mga yetdi
Milliy statistika qo‘mitasi ma’lumotlariga ko‘ra, 2026-yilning yanvar–may oylarida O‘zbekistonda aloqa va axborotlashtirish xizmatlari hajmi 39 trln so‘mni tashkil etdi.
Bu ko‘rsatkich o‘tgan yilning shu davriga nisbatan 22,2 foizga o‘sgan. Natijada raqamli iqtisodiyot va axborot-kommunikatsiya texnologiyalari sohasida xizmatlar hajmi yuqori sur’atlarda kengayishda davom etmoqda.
Hisobotga ko‘ra, tarmoqdagi eng katta ulush kompyuter dasturlashtirish xizmatlariga to‘g‘ri kelib, mazkur yo‘nalishda 18 trln so‘mlik xizmatlar ko‘rsatilgan.
Telekommunikatsiya xizmatlari hisobot davrida 11,6 trln so‘mni tashkil etdi. Bu ko‘rsatkich sohaning umumiy xizmatlar hajmida salmoqli o‘rin egallamoqda.
Axborot sohasida ko‘rsatilgan xizmatlar hajmi 5,9 trln so‘mga yetgan bo‘lsa, boshqa turdagi aloqa va axborotlashtirish xizmatlari 3,5 trln so‘mni tashkil qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter