«Slavyan karvoni»: Belarus va O‘zbekiston o‘rtasida ilk to‘g‘ridan-to‘g‘ri blok-poyezd yo‘lga chiqdi
Belarus va O‘zbekiston o‘rtasida yuk tashuvlarini rivojlantirish maqsadida ilk to‘g‘ridan-to‘g‘ri blok-poyezd qatnovi yo‘lga qo‘yildi.
Qayd etilishicha, 30 iyul kuni Belarusning Orsha-Vostochnaya stansiyasidan Toshkent viloyatidagi Chuqursoy stansiyasiga yo‘l olgan «Slavyan karvoni» nomli birinchi blok-poyezd harakatni boshlagan.
71 shartli vagon uzunligidagi poyezd tarkibida yog‘ochni qayta ishlash sanoati mahsulotlari, shakar, oziq-ovqat, omixta yem va boshqa turdagi yuklar tashilmoqda.
Ma’lum qilinishicha, dastlabki bosqichda mazkur blok-poyezd oyiga ikki marta qatnovni amalga oshirishi rejalashtirilgan.
Yangi temiryo‘l yo‘nalishi Belarus va O‘zbekiston o‘rtasidagi yuk tashish hajmini oshirish, transport-logistika aloqalarini rivojlantirish hamda savdo-iqtisodiy hamkorlikni mustahkamlashga xizmat qilishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter