Tramp Livan va Isroil o‘rtasidagi sulh uch haftaga uzaytirilganini e’lon qildi. 

Oq uy ma’lumotlariga ko‘ra, bu qaror Oval kabinetda Isroil va Livanning yuqori lavozimli amaldorlari bilan uchrashuvidan so‘ng qabul qilingan. 

«Qo‘shma Shtatlar «Hizbulloh»ga qarshi o‘zini himoya qilish uchun Livan bilan hamkorlik qiladi», deb yozgan Tramp o‘zining Truth Social ijtimoiy tarmog‘idagi akkauntida. 

Prezident yaqinda Isroil Bosh vaziri Benyamin Netanyaxu va Livan prezidenti Jozef Aunni Vashingtonda qabul qilish niyatida ekanligini qo‘shimcha qildi. 

16-aprel kuni Tramp Isroil va Livan 34 yil ichida Oq uyda bo‘lib o‘tgan ikki mamlakat o‘rtasidagi birinchi ikki tomonlama muzokaralardan so‘ng 10 kunlik sulh imzolaganini e’lon qildi. 

Isroil ilgari Eronni qo‘llab-quvvatlash uchun Isroilni o‘qqa tutgan «Hizbulloh» pozitsiyalariga zarba bergan edi. 

E’lon qilingan sulhga qaramay, mintaqada zo‘ravonlik davom etmoqda. Chorshanba kuni Livan Isroilni jurnalist Amal Xalilning o‘limiga olib kelgan havo hujumida aybladi. Isroil o‘z qo‘shinlarining xavfsizligini ta’minlash uchun harakat qilganini aytmoqda. 

Livanda sulh Eronning Qo‘shma Shtatlar bilan muzokaralardagi talablaridan biri bo‘lgan.