Pokiston va Afg‘oniston o‘t ochishni to‘xtatishga kelishib oldi. 

Dohada Qatar va Turkiya vositachiligida ikki davlat vakillari o‘rtasida muzokaralar bo‘lib o‘tdi. Tomonlar zudlik bilan o‘t ochishni to‘xtatishga va mustahkam tinchlikni mustahkamlash mexanizmlarini yaratishga kelishib oldilar, deb xabar beradi Qatar TIV. 

Pokiston Mudofaa vaziri Xoja Muhammad Asif tomonlar kelishuvni imzolaganini tasdiqladi. Uning qo‘shimcha qilishicha, delegatsiyalar muzokaralarni davom ettirish uchun 25-oktyabr kuni Istanbulda uchrashadi. 

11-oktyabr kuni kechga yaqin Pokiston-Afg‘oniston chegarasida qurolli to‘qnashuvlar yuz berdi, natijada o‘nlab harbiylar halok bo‘ldi. Tolibon bu operatsiya Pokistonning Afg‘oniston havo hududini buzgan va mahalliy bozorga zarba bergan harakatlariga javob ekanligini ta’kidladi. Pokiston, o‘z navbatida, afg‘on qo‘shinlarini tinch aholini nishonga olishda ayblab, “Hindiston misolida bo‘lgani kabi qattiq javob berish” bilan tahdid qilgan. 

Mojaroning kuchayishi Pokiston mahalliy Tolibonni qo‘llab-quvvatlashda ayblayotgan Afg‘oniston va Hindiston o‘rtasidagi yaqinlashish fonida yuz berdi.