Ҳўрмузда тўқнашувлар: АҚШ Эрон катерларини йўқ қилгани айтилмоқда
Яқин Шарқдаги вазият яна кескинлашмоқда. Ҳўрмуз бўғозида АҚШ кучлари ва Эрон Ислом инқилоби посбонлари корпуси ўртасида тўқнашувлар бўлиб ўтгани ҳақида хабарлар тарқалди.
АҚШ томонига кўра, Эрон катерлари ҳимоя остидаги кемаларга ракета ва дронлар билан ҳужум қилганидан сўнг уларга жавоб зарбаси берилган. Натижада камида олтита кичик кема йўқ қилингани айтилмоқда. Дональд Трамп эса еттита катер йўқ қилинганини билдирган.
Tasnim агентлиги Эрон ҳарбийларига таяниб АҚШ ҳужуми ортидан 5 киши ҳалок бўлгани ҳақдиа ёзди.
Шу билан бирга, БААда ракета хавфи эълон қилинди, Фужайрадаги нефть объектига зарба берилгани хабар қилинди. Омон ҳудудида ҳам ҳужумлар қайд этилган, Исроил армияси юқори жанговар шайлик ҳолатига ўтган.
АҚШ ҳарбийлари ўз ҳаракатларини савдо кемаларини ҳимоя қилиш билан изоҳламоқда. Шу билан бирга, расмийлар сулҳ режими тугаган-тугамаганига аниқ баҳо бермаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter