2 мартдан бери Ливанда Исроилнинг ҳужумлари натижасида ҳалок бўлганлар сони 3526 кишига етди.

Ливан Соғлиқни сақлаш вазирлиги бу ҳақда ижтимоий тармоқларда эълон қилди.

​«Худди шу даврда яна 10 733 киши яраланган», деб таъкидлади вазирлик.

​28 февраль куни АҚШ ва Исроил Эронга қарши ҳарбий операция бошладилар ва бир нечта шаҳарларга зарба бердилар. Операция Яқин Шарқда вазиятнинг кескинлашишига, Форс кўрфази мамлакатларини можарога жалб қилишга ва Ҳўрмуз бўғозини тўсиб қўйишга олиб келди.

​Ливаннинг «Ҳизбуллоҳ» гуруҳи Эрон томонида урушга кириб, Исроилга ракеталар ва дронлар отгандан сўнг, Исроил мудофаа кучлари (IDF) Ливаннинг жанубига ва радикал гуруҳ инфратузилмаси жойлашган Байрутнинг жанубий чеккаларига ҳужумлар уюштирди.

Исроил шунингдек, Ливаннинг жанубидаги қуруқликдаги операциясини кенгайтирди.

​16 апрел куни АҚШ президенти Дональд Трамп Исроил ва Ливан 10 кунлик сулҳга келишиб олганини эълон қилди. 24 апрел куни у сулҳ уч ҳафтага узайтирилишини эълон қилди.

​Май ойи ўрталарида АҚШ Давлат департаменти матбуот котиби Томми Пиготт ижтимоий тармоқ X сайтида Ливан ва Исроил ўртасидаги сулҳ 45 кунга узайтирилишини ёзди.

​АҚШ Давлат департаменти 4 июн куни Исроил ва Ливан 2-3 июн кунлари Вашингтонда бўлиб ўтган музокаралардан сўнг сулҳ шартларини бажаришга келишиб олганини эълон қилди.