Норвегия Нобел қўмитаси тинчлик бўйича Нобель мукофотига венесуэлалик мухолиф сиёсатчи Мария Корина Мачадони лойиқ деб топди.

Мария Корина Мачадо «Венесуэла халқи учун демократик ҳуқуқларни илгари суришдаги тинимсиз меҳнати ва диктатурадан демократияга адолатли ҳамда тинч ўтиш учун олиб борган кураши учун» мазкур мукофотни қўлга киритган.

«Венесуэладаги демократия ҳаракати раҳбари сифатида Мария Корина Мачадо сўнгги йилларда Лотин Америкасида фуқаролик жасоратининг энг ёрқин намунасидир.

Мачадо хоним илгари чуқур бўлинган мухолифатни бирлаштира олган шахс бўлди. У барчага эркин сайловлар ва вакиллик ҳукуматини талаб қилиш йўлида ягона майдон топиб берди. Бу эса демократиянинг юрагида ётган асосий қадриятдир», – дейилади Нобел қўмитаси ахборотида.

Нобел қўмитаси таъкидича, идора ўз тарихида зулмга қарши курашган, эркинлик умидини қамоқларда, кўчаларда ва майдонларда сақлаб қолган мард инсонларни эътироф этиб келган.

Эслатиб ўтамиз, АҚШ президенти Дональд Трамп ҳам Тинчлик бўйича Нобел мукофотига бир неча бор ўз номзодини илгари суриб келаётган эди.