АҚШ президенти Дональд Трамп Вашингтон жорий йил ноябрда Жанубий Африка Республикасида (ЖАР) бўлиб ўтадиган «Катта йигирматалик» саммитида иштирок этмайди.

Президент бу ҳақда ўзининг Truth Socialижтимоий тармоғида ёзди.

«Бу шармандалик. G20 саммити Жанубий Африкада ўтади. У ерда африканерлар ўлдирилмоқда, уларнинг ерлари ва фермалари ноқонуний равишда тортиб олинмоқда. Бу мамлакатда инсон ҳуқуқлари бузилаётган экан, ҳеч бир АҚШ вакили у ерга бормайди», – деб ёзади Трамп.

Трампнинг таъкидлашича, у 2026 йилда Майами шаҳрида (Флорида штати) G20 саммитини ўтказишга тайёрланяапти.
Жанубий Африкадаги саммит 2025 йил 21–22 ноябр кунлари Йоханнесбургда бўлиб ўтади. Илгарироқ вице-президент Жей Ди Вэнс АҚШ делегациясига раҳбарлик қилиши кутилганди, аммо Reuters манбаларига кўра, у ҳам Йоханнесбургга бормайди.

Трамп бу мавзуни аввал ҳам кўтарган эди. 2025 йил май ойида у Оқ уйда ЖАР президенти Сирил Рамафоса билан учрашувда Жанубий Африка ҳукуматини «оқ танли аҳолининг геноциди»да айблаган. Трамп Рамафосага «африканерлар таъқиби»ни кўрсатувчи видеоларни намойиш қилган.

ЖАР ҳукумати эса бу айбловларни рад этган ва мамлакатда «ҳеч қандай этник ёки ирқий таъқиб йўқ», деб баёнот берган.