Хитойлик астронавтлар фазовий станцияда қолиб кетишди. Ҳамкасблари билан ўрин алмашишга борган фазогирлар, носозлик туфайли, уларга ўзлари қайтадиган кемани беришга мажбур бўлишди, деб ёзмоқда Weibo.

«Тянгун» фазовий станциясида ушланиб қолганлар — «Шэнчжоу-21» экипажининг уч фазогири: Чжан Лу, У Фэй ва Чжан Хунчжан, улар 31 октябрдан буён станцияда. Улар амалдаги «Шэнчжоу-20» экипажи билан ўрин алмашишлари керак эди.

Режага кўра, астронавтларнинг биринчи гуруҳи Ерга 5 ноябрда қайтиши керак эди, аммо «Шэнчжоу-20» парвози сўнгги дақиқаларда тўхтади.

Фазовий чиқинди келиб урилиши оқибатида уларнинг кемасида дарз пайдо бўлди. Шундан сўнг «Шэнчжоу-20» экипажи «Шэнчжоу-21» учун мўлжалланган капсулада 14 ноябрда Ерга қайтди.

Энди «Шэнчжоу-21» экипажи Ерга мустақил қайта олмайди. Хитой шу сабабли 2026 йил баҳорида учирилиши мўлжалланган «Шэнчжоу-22» капсуласига эртароқ, хусусан, шу йил ноябри охирларида старт бермоқчи.

Агарда станцияда яна бир фавқулодда ҳодиса юз берса, хитойлик фазогирлар Ерга умуман қайта олмасликлари мумкин. Уларда биргина имконият бор.