Туркия Республикаси Маданият ва туризм вазирлиги ҳамда Туркия туризмни тарғиб қилиш ва ривожлантириш агентлиги (TGA) мамлакат бўйлаб туризм фаолияти тўлиқ нормал тартибда давом этаётганини тасдиқламоқда.

Истанбул, Анталия, Бодрум, Измир ва Каппадокия каби дунёнинг энг машҳур сайёҳлик масканлари Европа, Шимолий Америка ҳамда Осиё-Тинч океани минтақасидан келаётган сайёҳларни узлуксиз қабул қилишда давом этмоқда.

Туркиянинг туристик ҳудудларидаги барча дам олиш масканлари, меҳмонхоналар, саёҳатлар ва туристик хизматлар режалаштирилган тартибда фаолият юритмоқда. Мамлакатнинг ҳеч бир ҳудудида туризм фаолиятига оид ёпилиш, узилиш ёки чекловлар кузатилмаган.

Туркия Маданият ва туризм вазирлиги берган маълумотга кўра, Истанбул, Анталия, Бодрум, Измир ҳамда Туркиянинг бошқа барча йирик халқаро аэропортлари одатдагидек ўз фаолиятини давом эттирмоқда. Минтақадаги воқеаларга қарамай, Туркия аэропортларида ёпилиш, чеклов ёки парвоз йўналишларида ўзгаришлар кузатилмаган. Шунингдек, Туркияга қатновларни амалга ошираётган авиакомпаниялар ҳам можаролар сабабли бирорта ҳам парвоз бекор қилинмаганини билдирган.