Зоҳран Мамдани Нью-Йорк шаҳри мэри этиб сайланди
Демократ партияси номзоди, сиёсатчи Зоҳран Мамдани АҚШнинг энг йирик шаҳри бўлмиш Нью-Йорк мэри лавозимига сайланди. У шаҳар раҳбарлиги учун ўтказилган сайловда ишончли ғалабага эришди.
Дастлабки норасмий маълумотларга кўра, 4 ноябрь куни бўлиб ўтган сайловда Мамдани 50,35 фоиз овоз тўплаган. Қолган номзодлар — республикачи Кёртис Слива 7,14 фоиз, мустақил номзод, Нью-Йорк штати собиқ губернатори Эндрю Куомо эса 41,6 фоиз овозга эга бўлган.
2024 йил октябрида Мамдани Нью-Йорк мэри лавозими учун номзодлигини эълон қилганида, мутахассислар унинг ғалаба қозониш эҳтимолини паст баҳолаган эди. Бироқ сайлов натижалари унга бўлган қўллаб-қувватлашнинг сезиларли ошганини кўрсатди. Мамдани ҳозирда Америка сиёсатида тез суръатлар билан танилиб бораётган ёш сиёсатчилар қаторида тилга олинмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter