Ўзбекистонликлар 2 ойда кўчмас мулк хизматларига 4,3 трлн сўм сарфлади
2026 йил январ–феврал ойларида Ўзбекистонда кўчмас мулк билан боғлиқ хизматлар ҳажми 4,3 трлн сўмга етди. Бу ҳақда Миллий статистика қўмитаси маълум қилди.
Қайд этилишича, мазкур кўрсаткич ўтган йилнинг шу даврига нисбатан 15,5 фоизга ўсган. Бу бозорда фаоллик ортиб бораётганини кўрсатади.
Ҳисоботларга кўра, энг катта улуш Тошкент шаҳри ҳиссасига тўғри келиб, 2,6 трлн сўмни ташкил этган. Бу умумий ҳажмнинг ярмидан кўпроғини қамраб олгани билан ажралиб туради.
Иккинчи ўринда Тошкент вилояти бўлиб, бу ерда хизматлар ҳажми 331,5 млрд сўмга етган.
Шунингдек, Самарқанд вилоятида 212,8 млрд сўм, Фарғона вилоятида 179,3 млрд сўм ва Андижон вилоятида 150,5 млрд сўмлик хизматлар кўрсатилган.
Қолган ҳудудлар орасида Қашқадарё вилояти — 124,2 млрд, Наманган вилояти — 118,8 млрд ва Бухоро вилояти — 101 млрд сўм кўрсаткичлар билан қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter