Жиззахлик дорифуруш юзлаб қути дори билан қўлга тушди
Сифати кафолатланмаган дори воситаларини савдога чиқарилишининг олди олинди.
Бош прокуратура ҳузуридаги Департаментнинг Жиззах шаҳри бўлими, ДХХ ва ИИБ ходимлари ҳамкорлигида тезкор тадбир ўтказилган.
Унда “M.F.” МЧЖ раҳбари Ж.С. ва фуқаро М.Ҳ. сифатини тасдиқловчи ҳужжатлари бўлмаган 7 турдаги 644 дона ва 298 қути дори воситаларини 152,3 млн сўмга сотган вақтида ашёвий далиллар билан ушланганлар.
Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter