Наманганда «Кўмир таъминот» МЧЖ мансабдорининг қилмиши фош бўлди
«Кўмир таъминот» МЧЖ Наманган вилоят филиали бошлиғи ўринбосарига нисбатан жиноят иши қўзғатилди.
Мансабдор юқори лавозимларда ишловчи танишлари орқали фуқарони вилоятдаги туманлардан бирининг кўмир омборига раҳбарликка тайинлаш ҳамда омборга келувчи кўмир вагонларини кўпайтириб беришга ваъда бериб, эвазига 40 000 доллар талаб қилади.
Жорий йилнинг 6 декабрида у сўраган пулининг 25 000 долларини филиал ишчиси орқали олади ва фуқаронинг омбор мудири лавозимига тайинланишини таъминлайди.
Кейинроқ мансабдор шахс қолган 15 000 АҚШ доллари ҳамда омборга кўмир ортилган 30 та вагон юборгани учун улуш сифатида 7500 АҚШ доллари, жами 22 500 АҚШ доллари беришини талаб қилиб, ўзининг воситачиси бўлган филиал ишчиси орқали ушбу пул маблағини олган вақтида қўлга олинган.
Мазкур шахсларга нисбатан жиноят иши қўзғатилиб, қамоққа олинди, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter