2026 йил 1 январдан бошлаб тажриба-синов тариқасида «Янги Ўзбекистон қиёфасидаги туман (шаҳар)» мақомидаги 33 та ҳамда Сурхондарё вилоятининг қолган барча туман (шаҳар)ларида 9 та ташкилотнинг бўлинмалари ҳокимлик тузилмасига ўтказилади.

Бу жорий йил 21 октябрда қабул қилинган «Ҳудудларни барқарор иқтисодий-ижтимоий ривожлантириш учун туман (шаҳар) ҳокимликлари фаолиятини тубдан такомиллаштиришга доир қўшимча чора-тадбирлар тўғрисида»ги ПФ-186 фармон билан белгилаб қўйилди.

Мазкур 9 та ташкилот қуйидагилар:

1. Иқтисодиёт ва молия вазирлиги;
2. Камбағалликни қисқартириш ва бандлик вазирлиги;
3. Инвестициялар, саноат ва савдо вазирлиги;
4. Қурилиш ва уй-жой коммунал хўжалиги вазирлиги;
5. Қишлоқ хўжалиги вазирлиги;
6. Экология, атроф-муҳитни муҳофаза қилиш ва иқлим ўзгариши вазирлиги;
7. Маданият вазирлиги;
8. Оила ва хотин-қизлар қўмитаси;
9. Ёшлар ишлари агентлиги;

Қайд этилишича, бунда туман (шаҳар) ҳокимликларида бошқарувнинг ихчам ва натижадорликка йўналтирилган самарали тизимини йўлга қўйиш мақсад қилинган.