БАА ўз фуқароларига уч давлатга боришни тақиқлади
Бирлашган Араб Амирликлари Ташқи ишлар вазирлиги минтақавий кескинликнинг кучайиши фонида ўз фуқароларига Эрон, Ливан ва Ироққа ташриф буюришни тақиқлади.
Бу ҳақда вазирлик матбуот хизмати хабар берди. Х ижтимоий тармоғидаги баёнотида вазирлик ҳозирда ушбу мамлакатларда бўлганларга дарҳол уйга қайтиш тавсия қилинишини таъкидлади.
Вазирлик жамоатчиликни ушбу кўрсатмаларга қатъий риоя қилишга ва расмий янгиланишларни кузатиб боришга чақирди.
БАА расмийлари илгари Эрон фуқароларининг аэропортлари орқали кириши ва транзитини чеклаб қўйган эди.
Эслатиб ўтамиз, АҚШ-Исроил ва Эрон можароси фонида Теҳрон араб давлатлари ҳудудида жойлашган Америка базаларига зарба берди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter