Доналд Трамп Таиланд ва Камбоджани яраштиришга боради
Доналд Трамп Таиланд ва Камбоджа ўртасида тинчлик шартномасини имзолаш учун Малайзияга боради.
АҚШ президентининг ташрифи 26 октябрга белгиланган, деди Малайзия ташқи ишлар вазири Муҳаммад Ҳасан.
Унинг айтишича, Малайзия ва АҚШ Таиланд ва Камбоджани яраштирувчи вазифасини бажаради. Шартнома низолашган икки мамлакатга ўз чегараларини миналардан тозалаш ва оғир артиллерияни олиб кетиш мажбуриятини юклайди.
Эслатиб ўтамиз, Таиланд ва Камбоджанинг қуруқлик чегарасидаги баҳсли ҳудудлар учун июлда «беш кунлик уруш» бўлиб ўтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter