Ўзбекистонлик теннисчи Камилла Раҳимова WTA 125 чемпионига айланди
Ўзбекистон терма жамоаси вакили Камилла Раҳимова Франциянинг Анже шаҳрида якунланган WTA 125 Open Angers Arena Loire турнирида чемпионликни қўлга киритди. Камилла ҳал қилувчи финал учрашувида германиялик Татяна Корпачни 6–3, 7–6(4) ҳисобида мағлуб этди.
Финалнинг илк дақиқалариданоқ Раҳимова кортда барқарорлик ва тажовузкор ўйин намойиш қилди. Биринчи сетда у тезда устунликни қўлга олиб, 6–3 ҳисобида ғалабага эришди. Иккинчи сетда тенг кураш кузатилди, аммо Камилла асосий вазиятларда совуққонликни сақлаб, тай-брекда 7–6(4) ҳисобида устун келди.
Анжедаги ғалаба Раҳимованинг WTA 125 даражасидаги жорий мавсумдаги илк чемпионлиги бўлиб, унинг Ўзбекистон байроғи остида ўтказган муваффақиятли стартининг муҳим босқичига айланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter