Африкада Эритрея терма жамоасининг қатор ўйинчилари бедарак йўқолди. 

Эритрея терма жамоасининг етти нафар ўйинчиси Эсватинига қарши сафар ўйинидан кейин ғойиб бўлди. Ўйин Эритреянинг 2:1 ҳисобидаги ғалабаси билан якунланганига қарамай, давлат оммавий ахборот воситалари бедарак йўқолган ўйинчилар ҳақидаги хабар туфайли жамоанинг муваффақияти ҳақида маълумот бермади.

Эритрея спорт ва маданият комиссияси вакили ижтимоий тармоқларда жамоанинг фотосуратларини жойлаштирди, аммо уларда фақат Эсватинига қарши ўйиндан кейин Эритреяга қайтиб келган ўйинчиларни киритилди. 

Бу Эритрея футболи тарихида ўйинчиларнинг сафар ўйинлари пайтида ғойиб бўлган биринчи ҳолат эмас. 2019 йилда Угандада бўлиб ўтган Шарқий Африка чемпионатида ўйиндан кейин миллий ёшлар терма жамоасининг етти нафар ўйинчиси бедарак йўқолган эди. Тўрт йил олдин, ўнта катта ёшли футболчи Ботсвана билан сафар ўйнаганидан кейин ўз ватанларига қайтишдан бош тортган ва 2013 йилда Уганда ҳукумати 15 нафар эритреялик футболчи ва жамоа шифокорига бошпана берган.

Шунингдек, 2009 йилда Эритрея терма жамоасининг битта мураббий ва расмий вакилдан ташқари бутун таркиби Кениядан қайтиб келмаганлиги ҳақида ҳолати ҳам мавжуд. 

Аввалроқ, Эрон аёллар терма жамоасининг беш нафар ўйинчиси март ойининг бошида Австралиядан ватанларига қайтишдан бош тортган эди. Бундан ташқари, улар Жанубий Кореяга қарши ўйиндан олдин ўз давлат мадҳияларини куйлашдан бош тортишган эди.