Claude сунъий интеллекти илк бор инсонни ишдан бўшатди, деб хабар берди Time нашри.

Хабарга кўра, Andon Labs компанияси нейротармоққа Сан-Франциско шаҳридаги Andon Market дўконини бошқаришни ишониб топширган. 

Сунъий интеллект компанияни «ортга тортаётган айбдор»ни аниқлай олди — ходимлардан бири 23 та сменанинг 17 тасига кечикиб келган экан.

Нейротармоқ ходимларнинг кечикишларига, умуман олганда, кўз юмиб келган. Бироқ ушбу ходим дўконда ишлашга лойиқми, деган савол кўндаланг қўйилганда, у ходимни ишдан бўшатишга қарор қилган.

Ушбу тажрибанинг молиявий натижалари кўнгилдагидек эмас: беш ой ичида дўкон баланси 100 минг доллардан 61 минг долларгача қисқарди.

Andon Labs бош директори Лукас Петерссон айтишича, бундай йўқотишларга ботнинг ҳаддан ташқари юмшоқ бошқарув қарорлари ва бизнес юритишдаги баҳсли ёндашувлари сабаб бўлган.

Ҳозирда сунъий интеллект моделлари белгиланган мақсадларга қатъийроқ эришишга ўргатилмоқда. Бироқ «эҳтимол одамлар бундай келажакда яшашни истамасликлари мумкин», дея таъкидлади Петерссон.