Ekologiya inspektoriga kuch ishlatgan hokim o‘rinbosarining «ish»i tekshiriladi
Bir muddat oldin Buvayda tumani Nayman qishlog‘idagi zovur atrofida daraxtlarning noqonuniy kesilishiga qarshi turgan Ekoqo‘mita inspektoriga ushbu tuman hokimi o‘rinbosarining qarshilik ko‘rsatgani aks etgan videotasvirlar tarqaldi.
Videotasvirlarda inspektor A.Niyozovning hokim o‘rinbosari hamda qo‘riqchi kiyimidagi fuqarolar tomonidan noma’lum tomonga olib ketilgani ko‘rinadi.
Qayd etilishicha, aholi murojaatiga asosan holat joyiga tezkor yetib borgan Ekoqo‘mita inspektori noqonuniy daraxt kesish holatini to‘xtatmoqchi va belgilangan tartibda rasmiylashtirmoqchi bo‘lgan.
Farg‘ona viloyati hokimligi Axborot xizmati holat yuzasidan ishchi guruh tuzilgani va voqea joyida o‘rganish ishlari boshlanganini ma’lum qildi.
Viloyat IIB esa inspektor IIBga olib kelinmaganini, Buvayda tumani hokimligi vakillarining xatti-harakatlariga huquqiy baho berish bo‘yicha o‘rganish ishlari olib borilayotganini ma’lum qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter